კონფიდენციალობის პოლიტიკა

ბოლო განახლება: 2026 წლის 20 აგვისტო

1. ვინ ვართ

Pulse არის ქართული სოციალური და შეკვეთების აპლიკაცია, რომელიც აერთიანებს ადგილობრივი ბიზნესების აღმოჩენას, მაგიდის დაჯავშნას, შეკვეთას და სოციალურ ურთიერთობას.

მონაცემთა კონტროლიორი: მერი ბლუაშვილი

კონტაქტი: pulseapp27@gmail.com

ამ პოლიტიკაში აღწერილია, რა მონაცემებს ვაგროვებთ, რატომ და რა უფლებები გაქვთ.

2. რა მონაცემებს ვაგროვებთ

ანგარიშის მონაცემები

• სახელი, გვარი და მომხმარებლის სახელი
• ელფოსტა და ტელეფონის ნომერი
• დაბადების თარიღი და სქესი — არჩევითი
• პროფილის ფოტო და დამატებითი ფოტოები
• ბიო, ინტერესები, სოციალური ქსელების მისამართები — არჩევითი

ავტორიზაცია

• პაროლი ინახება მხოლოდ დაშიფრული სახით (hash). ღია ტექსტად პაროლს ვერც ჩვენ ვხედავთ და ვერც ვინმე სხვა.
• Apple-ით ან Google-ით შესვლისას ვინახავთ მხოლოდ შესაბამის იდენტიფიკატორს.

მდებარეობა

• ვიყენებთ მოწყობილობის მიახლოებით მდებარეობას მხოლოდ მაშინ, როცა აპლიკაცია ღიაა
• დანიშნულება: ახლომდებარე ბიზნესებისა და Drop-ების ჩვენება
• ფონურ რეჟიმში მდებარეობას არ ვაგროვებთ
• ნებართვა ნებისმიერ დროს გამორთვადია მოწყობილობის პარამეტრებში; აპლიკაცია ამის შემდეგაც მუშაობს, უბრალოდ ახლომდებარე ადგილებს ვეღარ გაჩვენებთ

თქვენ მიერ შექმნილი შიგთავსი

• პოსტები, კომენტარები და შეფასებები
• პირადი და ჯგუფური მიმოწერა
• ატვირთული ფოტოები და ვიდეოები
• Drop-ები და ღონისძიებები

სოციალური კავშირები

• გამოწერები, დაბლოკილი მომხმარებლები, მოწონებები და შენახული ჩანაწერები

შეკვეთები და გადახდები

• შეკვეთებისა და ჯავშნების ისტორია
• საფულის ბალანსი და ტრანზაქციების ისტორია
• ბარათის ნომერს არასოდეს ვიღებთ და არ ვინახავთ. ბარათით გადახდა მთლიანად ბანკის გვერდზე ხდება; ჩვენ მხოლოდ გადახდის შედეგს ვიგებთ.

ტექნიკური მონაცემები

• push-შეტყობინებების ტოკენი — შეტყობინების მისატანად
• ბოლო აქტივობის დრო
• სერვისის მუშაობის ჟურნალები, უსაფრთხოებისა და შეცდომების აღმოსაჩენად

3. რატომ ვამუშავებთ ამ მონაცემებს

• სერვისის მიწოდება — ანგარიშის შექმნა, შეკვეთა, ჯავშანი, მიმოწერა, feed
• უსაფრთხოება — თაღლითობის აღმოჩენა, ბოროტად გამოყენების აღკვეთა, ანგარიშის დაცვა
• კომუნიკაცია — შეკვეთის სტატუსი, შეტყობინებები, სერვისული ელფოსტა
• გაუმჯობესება — რომელი ფუნქციები მუშაობს გამართულად

მდებარეობასა და push-შეტყობინებებს ვამუშავებთ მხოლოდ თქვენი ნებართვით, რომელიც ნებისმიერ დროს გამოთხოვადია.

4. ვის ვუზიარებთ

მონაცემებს არ ვყიდით და სარეკლამო მიზნით მესამე პირებს არ გადავცემთ.

ვიყენებთ შემდეგ მომსახურე კომპანიებს, მხოლოდ სერვისის მუშაობისთვის საჭირო მოცულობით:

• Cloudinary — ფოტოებისა და ვიდეოების შენახვა
• Expo და Apple Push Notification service — შეტყობინებების მიტანა
• Resend — სერვისული ელფოსტა (მაგ. პაროლის აღდგენა)
• TBC Bank და საქართველოს ბანკი — ბარათით გადახდის დამუშავება

გარდა ამისა:

• ბიზნესი, რომელსაც უკვეთავთ, იღებს თქვენს სახელს, შეკვეთის შიგთავსს და კომენტარს — შეკვეთის შესასრულებლად
• სხვა მომხმარებლები ხედავენ მხოლოდ იმას, რაც თქვენ საჯაროდ გამოაქვეყნეთ, თქვენივე კონფიდენციალობის პარამეტრების შესაბამისად
• სახელმწიფო ორგანოები — მხოლოდ კანონით გათვალისწინებულ შემთხვევაში

5. კონფიდენციალობის პარამეტრები

აპლიკაციაში თავად აკონტროლებთ, რა ჩანს:

• დახურული ანგარიში და გამოწერის დადასტურება
• შეკვეთების, მდებარეობის, დაბადების თარიღის, ასაკის, სოციალური ბმულების და ბოლო აქტივობის ჩვენება ცალ-ცალკე ირთვება და ითიშება
• ვის შეუძლია მოგწეროთ
• მომხმარებლების დაბლოკვა

6. რამდენ ხანს ვინახავთ

• ანგარიშის მონაცემებს — სანამ ანგარიში აქტიურია
• შეკვეთებისა და გადახდების ჩანაწერებს — კანონით დადგენილი ვადით, ანგარიშის წაშლის შემდეგაც (ფინანსური აღრიცხვის მოთხოვნაა)
• ჟურნალებს — შეზღუდული პერიოდით, უსაფრთხოების მიზნით

7. თქვენი უფლებები

უფლება გაქვთ:

• იხილოთ, რა მონაცემები გვაქვს თქვენზე
• გაასწოროთ არასწორი მონაცემი
• წაშალოთ ანგარიში და მასთან დაკავშირებული მონაცემები
• გამოითხოვოთ თანხმობა მდებარეობასა და შეტყობინებებზე
• მიიღოთ თქვენი მონაცემების ასლი

მოგვწერეთ pulseapp27@gmail.com — ვპასუხობთ გონივრულ ვადაში.

8. უსაფრთხოება

• ყველა კავშირი დაშიფრულია (HTTPS)
• პაროლები ინახება მხოლოდ hash სახით
• ფინანსური ჩანაწერები უცვლელია და აუდიტს ექვემდებარება
• სისტემის საიდუმლოები დაშიფრულია
• ადმინისტრაციულ პანელზე წვდომა შეზღუდულია

9. ბავშვები

Pulse არ არის განკუთვნილი 16 წლამდე პირებისთვის. თუ აღმოვაჩენთ, რომ ანგარიში 16 წლამდე პირს ეკუთვნის, წავშლით.

10. ცვლილებები

პოლიტიკის შეცვლისას განვაახლებთ ამ გვერდს და თარიღს. მნიშვნელოვანი ცვლილების შემთხვევაში აპლიკაციაში შეგატყობინებთ.

11. კონტაქტი

კითხვების შემთხვევაში: pulseapp27@gmail.com